“უცხოური გავლენის გამჭვირვალობის შესახებ” კანონის საბოლოო მიღება უარყოფითად იმოქმედებს საქართველოს წინსვლაზე ევროკავშირისკენ მიმავალ გზაზე, ნათქვამია ევროკავშირის უმაღლესი წარმომადგენლის ჯოზეფ ბორელის და სამეზობლო პოლიტიკისა და გაფართოების საკითხებში ევროკავშირის კომისრის ოლივერ ვარჰეის დღევანდელ განცხადებაში. ეს კანონი ევროკავშირის ძირითად ნორმებთან და ღირებულებებთან შეუთავსებელია, მიუთითებენ ისინი. დაწვრილებით...
საქართველოს დელეგაცია (საქართველოს ეროვნული ბანკის (სებ) პრეზიდენტის მოვალეობის შემსრულებლის ნათია თურნავას, ფინანსთა მინისტრის ლაშა ხუციშვილის და სხვა პირების შემადგენლობით) ვაშინგტონში საერთაშორისო სავალუტო ფონდისა (IMF) და მსოფლიო ბანკის საგაზაფხულო შეხვედრებში (17-19 აპრილი) მონაწილეობს. დღეს ქართული მხარე IMF-ის მმართველი დირექტორის მოადგილეს ბო ლის შეხვდა. დაწვრილებით...
პირველ კვარტალში თბილისში საცხოვრებელი ბინების ბაზრის ზომა წლიურად 3%-ით გაიზარდა $622.67 მილიონამდე, იუწყება Colliers Georgia. ამავე დროს, კომპანიის მონაცემებით, თბილისში საცხოვრებელი ბინებზე ტრანზაქციების რაოდენობა წლიურად 3%-ით შემცირდა და 9,824 ერთეული შეადგინა. დაწვრილებით...
პირველ კვარტალში ბათუმში საცხოვრებელი ბინების ბაზრის ზომა წლიურად 20%-ით შემცირდა და $152.16 მილიონი შეადგინა, იუწყება Colliers Georgia. კომპანიის მონაცემებით, ბათუმში საცხოვრებელი ბინების ტრანზაქციების რაოდენობა წლიურად 24%-ით შემცირდა და 3,374 ერთეული შეადგინა. დაწვრილებით...
არ დაგვრჩება არც ერთი ოჯახი ფართებით დაკმაყოფილების გარეშე, აცხადებს თბილისის მერი კახა კალაძე კოოპერატიული ბინათმშენებლობით დაზარალებულ პირთან საცხოვრებელი ფართებით დაკმაყოფილების პროცესთან დაკავშირებით. “ის ვალდებულება, რომელიც აღებული ჰქონდა სახელმწიფოს ათეულობით წლის წინ, შესრულდება”, ირწმუნება ის. დაწვრილებით...
სახელმწიფო შესყიდვების სააგენტოს მიერ გამოცხადებული კონსოლიდირებული ტენდერი 40 ერთეული 18-მეტრიანი ავტობუსის შესყიდვაზე დასრულებულია, განაცხადა თბილისის მერმა კახა კალაძემ დედაქალაქის მთავრობის დღევანდელ სხდომაზე. მერის ცნობით, გამარჯვებული კომპანია თეგეტა ჰოლდინგი, ერთი წლის განმავლობაში, მუნიციპალიტეტს MAN-ის მარკის 40 ერთეულ ბუნებრივ აირზე მომუშავე 18-მეტრიან ავტობუსს მიაწოდებს. დაწვრილებით...
პირველ კვარტალში საქართველოში ეკონომიკური აგენტების 23,983 კონცენტრაცია დარეგისტრირდა, იუწყება კონკურენციისა და მომხმარებლის დაცვის სააგენტო. სააგენტოს ცნობით, 23,968 შემთხვევაში (99.9%) მონაწილე მხარეებს, წლიური ბრუნვის მიხედვით, არ ეკისრებოდა წინასწარი შეტყობინების ვალდებულება. დაწვრილებით...
20-21 აპრილს, თბილისში, დედაენის ბაღში, პირველი მასშტაბური ფესტივალი - ურბან ფესტი ჩატარდება, იუწყება თბილისის მერი კახა კალაძე. ღონისძიება თბილისის მერიის მხარდაჭერითა და ურბანული სპორტის სახეობათა ფედერაციის ორგანიზებით გაიმართება. დაწვრილებით...
|